تتوالى مكَاصيص الخسه وتتسابق تكطع باوصالك
يا أشرف ثوب بهالدنيا.... وكل الدنيا بستر ذيالك
ثوب عراقي ويزهي بألوانه البراقه
عاش سنين.
.. وماذبلن فد يوم أوراق
من كل دين ومن كل مله.
.ومن كل مذهب شتله وباقه
ليش اليوم تمزك ثوبك..
ياوطني وتعرى عراقه؟
شيعي وسني ونصراني ومندائي بدارك
ويهودي وآيزيدي وشبكي وآشوري تعمدوا بامطارك
رضعوا من نهرينك حبهم
..واقترنت بيهم أسرارك
طمعت كل الدنيا بخيرك
..ياوسفه وأولهم جارك
وتشفّت وبثوبك تنهش حتى احبابك
وتوج نارك
لملم روحك ياعراق وخل ثوبك يزهي
من جديد ويغسل بانهارك
وكل احنا بزودك مشاية
.. نشل جروحك
..ناخذ ثارك
مرات القراءة: 2250 - التعليقات: 0
نقوم بارسال نشرة بريدية اخبارية اسبوعية الى بريدكم الالكتروني ،
يسرنا اشتراككم بالنشرة البريدية المنوعة. سوف تطلعون على احدث
المستجدات في الموقع ولن يفوتكم أي شيئ
لملم روحك
