باچر ايفوز الوطن
وننسه كل ذيچ المحن
باچر ايفتح وردنه من جديد
ويرتفع صوت الشعب باحله نشيد
وطن حر وشعب فرحان وسعيد
نقضي عالارهاب ورموز الفتن
با چر ايفوز الوطن
باچر الگيعان كلها اتصير خضره
والنخل يرگص فرح بعثوگ تمره
والسمه اتصحي او يصير الليل گمره
ننسه كل ظيم السنين انغني لايام اليجن
باچر ايفوز الوطن
باچر اتعيد فرح كل المدن
نبني روضه ومدرسه ونهدم سجن
بالاغاني انبدل ايام الحزن
انخلي كل الامهات ايهلهلن
باچر ايفوز الوطن
وننسه كل ذيچ المحن
مرات القراءة: 2639 - التعليقات: 0
نقوم بارسال نشرة بريدية اخبارية اسبوعية الى بريدكم الالكتروني ،
يسرنا اشتراككم بالنشرة البريدية المنوعة. سوف تطلعون على احدث
المستجدات في الموقع ولن يفوتكم أي شيئ
باچر ايفوز الوطن
